Related Posts
Category : Sports
World Cup – બાંગ્લાદેશે શ્રીલંકાને 3 વિકેટથી હરાવ્યું
બાંગ્લાદેશની ટીમે ભારતમાં રમાનાર ODI વર્લ્ડ કપ 2023માં ઈતિહાસ રચ્યો છે. હારનો સિલસિલો તોડીને તેણે વિશ્વ કપમાં પ્રથમ વખત શ્રીલંકાને હરાવ્યું છે. આ મેચ સોમવારે (6 નવેમ્બર) દિલ્હીના અરુણ જેટલી સ્ટેડિયમમાં રમાઈ હતી. બાંગ્લાદેશે આ મેચ 3 વિકેટે જીતી લીધી છે.
મેચમાં ટોસ હાર્યા બાદ પ્રથમ બેટિંગ કરવા ઉતરેલી શ્રીલંકાની ટીમે 280 રનનો લક્ષ્યાંક આપ્યો હતો. જેના જવાબમાં બાંગ્લાદેશની ટીમે 7 વિકેટ ગુમાવીને મેચ જીતી લીધી હતી. ટીમ માટે નઝમુલ હુસૈન શાંતોએ 90 રનની ઇનિંગ રમી હતી. જ્યારે કેપ્ટન શાકિબ અલ હસને 82 રન બનાવ્યા હતા. શાકિબ અને શાંતોએ મળીને ત્રીજી વિકેટ માટે 149 બોલમાં 169 રનની ઇનિંગ રમી હતી.
આ ભાગીદારી મેચનો વાસ્તવિક વળાંક હતો. અહીંથી શ્રીલંકાએ વાપસી કરવાના અનેક પ્રયાસો કર્યા, પરંતુ મેચ જીતી શકી નહીં. ODI વર્લ્ડ કપમાં બાંગ્લાદેશ અને શ્રીલંકા વચ્ચે અત્યાર સુધીમાં 4 મેચ રમાઈ છે, જેમાં બાંગ્લાદેશી ટીમ આ એક મેચ જીતી છે. આ પહેલા ત્રણ મેચ હારી હતી. આ મેચમાં શ્રીલંકા તરફથી ફાસ્ટ બોલર દિલશાન મદુશંકાએ 3 વિકેટ ઝડપી હતી. જ્યારે મહિષ તિક્ષ્ણ અને એન્જેલો મેથ્યુઝને 2-2 સફળતા મળી હતી.
આ મેચમાં શ્રીલંકાની ઈનિંગ દરમિયાન એન્જેલો મેથ્યુસને ટાઈમ આઉટ આપવામાં આવ્યો હતો. 146 વર્ષના ક્રિકેટ ઈતિહાસમાં પ્રથમ વખત કોઈ બેટ્સમેનનો સમય સમાપ્ત થયો. 25મી ઓવરના બીજા બોલ પર સદિરા આઉટ થયા બાદ મેથ્યુસ મેદાન પર આવ્યો, પરંતુ પીચ પર પહોંચતા જ તેની હેલ્મેટની પટ્ટી તૂટી ગઈ.ત્યારબાદ મેથ્યુસે બીજું હેલ્મેટ માંગ્યું, પરંતુ બોલર શાકિબ અલ હસને અપીલ કરી, જેના પર મેદાન પરના અમ્પાયરે મેથ્યુઝને ટાઈમ આઉટ કહ્યો. આ રીતે ઓવરનો આગલો બોલ ફેંકાય તે પહેલા જ મેથ્યુઝ એકપણ બોલ રમ્યા વગર આઉટ થઈ ગયો હતો. આ રીતે બાંગ્લાદેશને એક જ બોલ પર બે વિકેટ મળી હતી.
Load more
